АҚШ пен Украина келесі аптада атысты тоқтатудың егжей-тегжейін талқылайды

АСТАНА. KAZINFORM — Украина президенті кеңсесінің басшысы Андрей Ермак Сауд Арабиясындағы украиналық және америкалық делегациялардың келіссөздерінен кейін келесі аптада атысты тоқтатудың егжей-тегжейі бойынша талқылау басталатынын мәлімдеді, деп хабарлайды BBC. 

АҚШ пен Украинаның бірлескен мәлімдемесінде Киев ресейлік тарап оны орындаған жағдайда «АҚШ-тың тараптардың өзара келісімі бойынша ұзартылуы мүмкін уақытша, 30 күндік атысты тоқтатуды дереу енгізу туралы ұсынысын қабылдауға» дайын екені айтылған. 

— Келесі аптада біз командалардың техникалық сарапшылар деңгейінде барлық егжей-тегжейлер туралы сөйлесе бастайды деп келістік, — деп келтірді «Укринформ» Ермактың сөзін.

Ол сондай-ақ Жиддадағы кездесуде АҚШ «әділ және тұрақты бейбітшілік жолында жұмыс істеуге өзінің адалдығын көрсеткенін» мәлімдеді.

— Біз АҚШ — әділ әлемнің орнығуы үшін барлығын жасай алатын ел деп санаймыз. Оларда бұған қажеттінің бәрі бар. Ал бүгін біз серіктестерімізден олар жұмысын жалғастыруға дайын екенін естідік. Бұл оңай жұмыс емес. Бұл жұмысты басқа кім атқара алатынын білмеймін. Бірақ олардың бізбен бірге болуға, жұмыс істеуге дайын болуы маңызды, бұл олар үшін маңызды, — деді ол.

Ермактың айтуынша, Жиддадағы кездесудің негізгі нәтижесі Американың әскери көмегін қалпына келтіру және ақпарат алмасу болды. 

Келіссөздерден кейін америкалық серіктестер ресейлік тараппен кездесу барысында әзірленген ұсыныстарды талқылауы тиіс, деп қосты Ермак. 

— Бүгінгі кездесуден кейін шешуші қадамды Ресей жасайды. Кімнің бейбітшілікті, кімнің соғысты аңсайтыны осы қадамнан көрінеді, — деді ол.

Еске сала кетсек, 11 наурызда Сауд Арабиясында Украина-Америка келіссөздері өтті.