АҚШ пен Жапония әскери техника жеткізу жөніндегі келісімге қол қойды
АСТАНА.KAZINFORM - АҚШ президенті Дональд Трамп Жапонияның ірі көлемді америкалық әскери техникаға тапсырыс бергенін мәлімдеді, деп хабарлайды NBC news.
- Біз бұған дейін болмаған ауқымды сауданы бірлесіп жасаймыз, - деді Трамп Жапония премьер-министрімен екіжақты кездесу алдында.
Трамп Жапонияның әскери әлеуетін арттыру және Американың әскери техникасын көбірек сатып алу жөніндегі күш-жігерін бағалайтынын мәлімдеді.
- Біз сізге қажет кез келген қызметті, Жапонияға көмектесу үшін жасай алатын кез келген әрекетті ұсынуға қуаныштымыз, - деді ол.
Өткен аптада Жапонияның қорғаныс шығындарын наурыз айына дейін, яғни жоспардан екі жыл бұрын, жалпы ішкі өнімінің 2%-ына дейін арттыратынын мәлімдеген Такаити Трамппен бірге Жапонияның «бейбітшілік пен тұрақтылыққа үлес қосуға дайын» екенін айтты.
Бұған дейін АҚШ президенті Дональд Трамп пен Жапония премьер-министрі Санаэ Такаити екі жақты кездесуден кейін сауда және маңызды минералдар туралы екі келісімге қол қойған болатын.
