АҚШ Ресейдің энерготөлемдерін шектеу арқылы санкцияны күшейтіп жатыр

АСТАНА. KAZINFORM — Бейсенбі күні Трамп әкімшілігі ресейлік қаржы мекемелерімен энергетикалық мәмілелер жасауға рұқсат беретін лицензия мерзімі аяқталғанын мәлімдеді, деп хабарлайды Global Banking. 

Қазынашылық өкілі «8L бас лицензиясының» мерзімі жоспарланғандай 12 наурызда аяқталғанын хабарлады. 

Салдарынан ресейлік банктер, соның ішінде Сбербанк, ВТБ және РФ Орталық банкі АҚШ төлем жүйелеріне кіре алмайды.

Бұған басқа, ресейлік «Газпром нефть» және «Сургутнефтегаз» энергетикалық компанияларымен және ресейлік мұнай тасымалдайтын 183 кемемен, сондай-ақ батыстық емес компаниялар пайдаланатын ескірген танкерлердің көлеңкелі флотындағы көптеген кемемен долларлық операцияларға тыйым салынады.

Энергетикалық саясат саласындағы «ClearView Energy Partners» зерттеу тобының мәлімдеуінше, лицензия мерзімінің аяқталуы кейбір үшінші елдердің ресейлік мұнайды сатып алуын қиындатып, тоқтатуы да мүмкін.

Еске сала кетсек, Байден әкімшілігі мұнайдың әлемдік бағасының шарықтауын болдырмау үшін 2022 жылдың ақпанында энергетикалық транзакцияларға лицензия берген еді.

Бұған дейін Ресей соғыс қимылдарын тоқтату туралы ұсыныспен келісетінін, бірақ оның шарттары бар екені хабарланған болатын.