АҚШ смартфондар мен компьютерлерді жаңа тарифтерден босатады

АСТАНА. KAZINFORM – АҚШ президенті Дональд Трамп әкімшілігі смартфондар, компьютерлер және басқа да электроника жаһандық өзара баж салығынан босатылатынын мәлімдеді, деп хабарлайды Kazinform Euronews-ке сілтеме жасап.

АҚШ-тың кеден және шекараны қорғау қызметі босату Қытай импортына салынатын 145 пайыздық тарифтерге қатысты екенін және жартылай өткізгіштер, күн батареялары, жад карталары сияқты компоненттерді қамтитынын айтты. 

Bloomberg бұл шешім тұтынушыларды «бағаның қарыштап өсуінен» қорғауы, iPhone өндірісі мен құрастырылуының 90%-ы Қытайда жүзеге асырылатын Apple сияқты өндірушілерге көмектесуі мүмкін екенін атап өтті. 

Осыған дейін Иран мен АҚШ ядролық бағдарлама бойынша Оман астанасында келіссөзді бастағанын хабарлаған едік.