АҚШ-та 15 жылда алғаш рет сотталған адам өлім жазасына кесілді

АСТАНА. KAZINFORM – 2001 жылы бұрын жүрген қызының ата-анасын бейсбол таяқшасымен өлтіргені үшін сотталған 67 жастағы Брэд Сигмон АҚШ-та соңғы 15 жылда ату жазасына кесілген алғашқы адам болды, деп хабарлайды ВВС. 

Сигмонды жұма күні жергілікті уақыт бойынша сағат 18.00-ден кейін Оңтүстік Каролинадағы Түзеу департаментінің үш еріктісі атып тастады. Олар арнайы оқтары бар мылтықтармен 5 метрдей қашықтықтан кеуде тұсына оқ атқан. Барлық оқ бір уақытта атылды. 

Департамент өкілінің айтуынша, ер адамның өлім жазасына кесілу сәтін құрбан болғандардың отбасының үш мүшесі, сондай-ақ Сигмонның рухани тәлімгері көрген.

Куәгерлердің айтуынша, тұтқын астында қан алуға арналған ыдыс тұрған орындыққа байланған.

Штатта орнатылған процедура ату жазасына кесілген тұлғаларды үкімді орындау камерасында орындыққа байлауды талап етеді. Содан кейін тұтқынның жүрегіне нысана қойылып, басына қап кигізіледі. 

Өлім жазасына кесілмес бұрын Сигмон куәгерлерге өзінің соңғы сөздерінің «сүйіспеншілік сөзі және менің бауырластарыма өлім жазасын тоқтатуға көмектесуіне шақыру» болғанын қалайтынын айтты. Соңғы сөзден кейін оның басына қап кигізілді.

Сигмон 2001 жылы ерлі-зайыптыларды өлтіргені үшін өлім жазасына кесілді. Өлтірілген Дэвид пен Глэдис Кларк онымен қарым-қатынасын үзуді шешкен қыздың ата-анасы еді. 

Оған электрлік орындықпен өлім жазасына кесу немесе өлімге әкелетін инъекцияны таңдау ұсынылды. Оның адвокаттары ер адам осы екі әдістің тиімділігіне күмәнданғандықтан өлім жазасын таңдағанын айтты.

Сигмон АҚШ-та 2010 жылдан бері ату жазасына кесілген алғашқы адам және ел 1972 жылдан 1976 жылға дейін болған өлім жазасына мораторийді алып тастағаннан бері төртінші адам болды.

Айта кетейік, Жапонияда 36 адамды өртеп жіберген күдікті өлім жазасына кесілетін болды.