АҚШ-та демократтар митингілерге шықты

АСТАНА. KAZINFORM – Биліксіз қалған демократиялық заң шығарушылар Дональд Трамптың үкіметті қайта құру әрекетіне қарсылық білдіру үшін федералдық агенттіктердің жанында наразылық шарасын өткізіп жатыр, деп хабарлайды NBC News.

Конгресте Трамп әрекетіне қарсы шығатын заңнамалық құралдарсыз қалған демократтар сайлаушыларды оның федералдық несиелер мен гранттарды тоқтату және USAID пен басқа агенттіктерді тарату әрекетіне қарсы жинауға тырысып жатыр. 

Дүйсенбі күні Конгрестің демократ мүшелері USAID ғимаратының алдында наразылық шеруін өткізді. Сейсенбі күні олар Қаржы министрлігінің жанында сөз сөйледі.

Ал сәрсенбіде шерушілер Капитолий мен Еңбек министрлігі ғимаратының жанына жиналды, бұған президент Трамптың бірінен соң бірі жойқын бұйрықтарға қол қойып жатқаны себеп болды. 

- Бұл Америка емес, ең алдымен, бұл дара Америка. Біз америкалық құндылықтардан бас тартпаймыз, - деді Мэриленд демократы, сенатор Крис Ван Холлен Капитолий жанындағы митингіде. 

Вашингтон маңындағы округінде 70 мыңнан астам федералды жұмысшының өкілі, Вирджиния штатының демократы Дон Бейер наразылық шаралары қолдауды жұмылдыруға және қоғамдық пікірге әсер етуге көмектеседі деп мәлімдеді.

- Халық мұның қаншалықты күрделі мәселе екенін білуі тиіс. Сіз федералды үкіметті бұзасыз, сонымен қатар біздің бүкіл қоғамымызды құртасыз. Биліктің үш тармағының бірін жойсаң, елді басқара алмайсың, - деді Дон Бейер. 

Шерушілер ондаған жылдар бойы жұмыс істеп келген және шетелге 40 млрд доллар сомасына азық-түлік пен басқа гуманитарлық көмек жеткізуге жауапты болған USAID-тің жабылуына наразылық білдіріп жатыр.

Бұған дейін демократтар Трампты сотқа берген еді.