АҚШ-та кинотеатрға келуші көрермендерге оқ жаудырды

АСТАНА. ҚазАқпарат - АҚШ-тың Луизиана штаты Лафейетт қаласындағы кинотеатрда көрерменнің бірі сеанс кезінде кино тамашалап отырғандарға оқ жаудырған. Полицияның хабарлауынша, ол алты адамды жаралап, сосын өзін өзі атып салған, деп жазады «ВВС» агенттігі.

Ал, жергілікті БАҚ-та тараған ақапартта оқиғада екі адам қаза болғаны жазылған. Тілшілердің айтуынша, қылмыскер жазықсыз көрерменді өзімен «ала кеткен». Лафейтт полициясы оқиға туралы ақпар жергілікті уақытпен 23 шілде күні сағат 19-30 түскенін хабарлады.