АҚШ-та қызылша ауруының өршуінен мектеп оқушысы қайтыс болды

АСТАНА. KAZINFORM – Техас штатындағы ауылдық жерде қызылшаға қарсы екпе алмаған бала қайтыс болды, деп хабарлайды Euronews.

Хабарланғандай, бұл 2015 жылдан бері АҚШ-та қызылшадан қайтыс болған алғашқы оқиға.

Техас билігінің мәліметінше, штатта ауруға шалдығудың 124 жағдайы тіркелген. Көршілес Нью-Мексико штатында тоғыз жағдай тіркелді.

Техас билігі қауіпті вирустық ауруды әдетте шетелде болған адамдар әкелетінін атап өтті.

Сарапшылар COVID-19 пандемиясынан кейін бүкіл әлемде қызылшаға қарсы екпе алу деңгейінің төмендеуіне назар аударды. АҚШ-та қазірдің өзінде көптеген штаттар қызылшаның өршуінен қорғану үшін қажет болатын жас балаларға арналған вакцинацияның 95 пайыздық шегінен төмен.

Бұған дейін Қырғызстанда қызылша ауруына шалдыққандар саны артқанын жазған едік.