АҚШ-тан тағы 10 өзбекстандық еліне қайтарылады
ТАШКЕНТ. Kazinform - АҚШ тарапынан Коста-Рикаға депортацияланатын өзбекстандықтар Нью-Йорк арқылы Ташкентке қайтарылады, деп хабарлайды Kazinform Өзбекстан СІМ баспасөз хатшысы Ахрор Бурхановқа сілтеме жасап.
— Коста-Рикаға жіберу жоспарланған, бірақ отанына қайтуға ниетті тағы 10 азамат осы аптада Нью-Йорк-Ташкент бағыты бойынша Өзбекстанға келеді, — деп жазды Бурханов.
14 ақпанда екі ел арасындағы келісімді жүзеге асыру аясында АҚШ-тан бірқатар елге, соның ішінде Өзбекстаннан алғашқы рейс Панамаға барды.
Депортацияланғандар арасында Өзбекстан азаматтарының саны туралы ақпарат берілмеді.
20 ақпанда АҚШ шекарасын заңсыз кесіп өткен 200 мигрант (Орталық Азия мен Үндістан азаматтары) Коста-Рикаға жөнелтілді. Бұл Панама рейсінен кейінгі екінші жөнетілім болды. Олар алты апта ішінде еліне қайтарылады, осы уақыт ішінде мигранттарды ұстау изоляторында болады.
Еске сала кетейік, бұған дейін АҚШ тарапымен жүргізілген келіссөздер нәтижесінде Коста-Рикаға жіберу жоспарланған, бірақ Өзбекстанға қайтуға ниетті 7 өзбекстандық Нью-Йорк-Ташкент бағыты бойынша Өзбекстанға қайтарылған болатын.
