АҚШ вице-президенті Еурокомиссия президентімен кездесті

АСТАНА. KAZINFORM – Парижде Еуропалық комиссия басшысы Урсула фон дер Ляйен мен Еуроодақтың сыртқы істер және қауіпсіздік саясаты жөніндегі Жоғарғы өкілі Кая Каллас АҚШ-тың жаңа вице-президенті Джей.Ди Вэнспен кездесті, деп хабарлайды Kazinform-ның меншікті тілшісі.

АҚШ пен Еуроодақ басшылары бұған дейін Франция астанасында өтіп жатқан Жасанды интеллект саммитіне қатысқан болатын. 

Еуропалық комиссия төрайымы Урсула фон дер Ляйеннің мәлімдеуінше, АҚШ вице-президенті Джей Ди Вэнспен арада «одақтастар ретінде ортақ қиындықтар туралы» жақсы пікірталас өтті. 

Бұл кездесу жақында әлемнің қалған бөлігі үшін болат пен алюминий импортына 25 пайыздық баж салығын жариялаған Дональд Трамп сайланғаннан кейінгі ЕО мен АҚШ жоғары лауазымды тұлғалары арасындағы алғашқы кездесу болды. 

У.Ляйен Джей Ди Вэнсті Брюссель Д.Трамп тарифтеріне қарсы соққы береді деп уәде бергеннен кейін бірнеше сағат өткен соң одақтасы деп атады.

Ол сонымен қатар жаһандық болат өндірумен күресу үшін, негізінен Қытайдан келетін ынтымақтастық туралы айтты, деп жазды Politico басылымы.

Еуропалық дипломатияның басшысы К.Каллас та АҚШ вице-президентімен кездесудің жақсы өткенін атап өтті. 

- Біз әлемдегі негізгі мәселелер бойынша жұмысты талқыладық. Біздің қарсыластарымыз өз әрекеттерін үйлестіріп жатқанда, біз де солай істеуіміз керек, - деп жазды К.Каллас әлеуметтік желіде.