Ақсу ферроқорытпа зауытындағы өрт сөндірілуде

АҚСУ. ҚазАқпарат - Ақсу ферроқорытпа зауытындағы №4 балқыту цехында пештің трансформаторы өртенді, деп хабарлайды ҚазАқпарат кәсіпорынның Instagram желісіндегі хабарламасына сілтеме жасап.

Өрт 21 маусым күні сағат 16:00-де шыққан.

«Өртті кәсіпорынның апаттық-құтқару қызметі мен Ақсу қалалық өрт сөндіру бөлімі оқшаулады. Зардап шеккендер жоқ. Павлодар облысы Төтенше жағдайлар басқармасы штаб құрды. Тергеу басталды. Өрттің шығу себептері анықталып жатыр», - деді Ақсу ферроқорытпа зауытынан.

Әлеуметтік желіде өрттің видеосы тарады.