Ақсу қаласында есірткі дайындалып келген астыртын зертхана анықталды

ПАВЛОДАР. 28 маусым. ҚазАқпарат - Павлодар облысының Ақсу қаласында есірткі бизнесіне қарсы күрес бойынша арнайы бөлімшенің қызметкерлері есірткілік заттарды синтездеу бойынша астыртын зертхананы анықтады, деп хабарлады ІІД-нің баспасөз қызметінен.

Зертхананы есірткіні дайындау үшін кондитерлік көкнәрді пайдаланған Ақсудың 44 жастағы тұрғыны өзінің танысының пәтерінде құрған.

Сот-химиялық сараптаманың қорытындысы бойынша, дайындалған ерітіндінің үлгілері есірткілік зат - экстракциялық апиын болып табылады.

Қылмыстық істі тергеу барысында пәтер иесі мұнда есірткі ордасын құрғаны анықталды - дайындалған шөп нашақорларға сатылып келген.

Есірткілік заттарды сату мақсатында ірі көлемде дайындау және сақтау фактісімен қылмыстық іс қозғалды. Ұсталған азамат қамауға алынды.