10:56, 12 Мамыр 2012 | GMT +5
Ақсуда пошта ғимараты өртенді - ҚР ТЖМ
АСТАНА. 12 мамыр. ҚазАқпарат - 11 мамырда сағат 05. 28-де Ақсу қаласында орналасқан «Қазпошта Павлодар бөлімшесінің Ақсу пошталық байланыс торабы» ММ-нің үш қабатты ғимаратында өрт болды.

Өрт бірінші қабатта орналасқан күзетшілердің демалу бөлмесінен шықты. Жалын толығымен 28 минуттан кейін сөндірілді, деп хабарланды ҚР ТЖМ-нің баспасөз қызметінен.
Тілсіз жауды ауыздықтауға ҚР ТЖМ Павлодар облысы бойынша ТЖД өртке қарсы қызметінің 7 адамы мен 2 техникасы жұмылдырылды. Өрт салдарынан күзетші күйік жарақаттарын алды, ол ауруханаға жеткізілуден бас тартты.