Ақтау тұрғыны Алланың атауы жазылған алма тауып алды (ФОТО)

АСТАНА. ҚазАқпарат - Қасиетті Рамазан айында Ақтау тұрғыны Ләззат Оразбаева жергілікті дүкендердің бірінен сатып алған екі келі алмалардың төртеуінен өздігінен араб жазуы пайда болғанын байқаған.

Ләззат Оразбаева бұл жаңалығын дін саласы бойынша мамандарға көрсетуге асықты. Бас имам Смайыл Сейітбеков алманы тексеріп, «ондағы жазу - Жаратушыдан адамдарға жіберілген белгі» деген тоқтам жасаған.

Имам бұл жазба араб тіліндегі "Алланың" есімі екенін алға тартты. Ол бұл жазудың пайда болуы Алланың барын бүкіл адамзатқа ескерту екендігіне сенімді. Имам мұндай жайттар әлем бойынша кездесіп жататындығын еске салды.

Ұқсас жағдай аталмыш аймақта бұрындары да болған екен. Өткен жылдың Рамазан айында тұрғындар осындай жазуды түрлі жемістерден тапқан болатын, деп жазады nur.kz.