Ақтау-Жетібай тасжолында көлік жарылды

АҚТАУ. ҚазАқпарат – Ақтау-Жетібай тасжолында көлік жарылып кетті, деп хабарлайды ҚазАқпарат тілшісі lada.kz сайтына сілтеме жасап.

Маңғыстау облысы Төтенше жағдайлар департаменті баспасөз қызметінің мәліметіне сүйенсек, оқиға Ақтау-Жетібай трассасынан 35 км қашықтықта болған.

1995 жылғы Nissan Maxima көлігінен өрт шыққаны туралы хабар 12 тамыз күні 20-23-те түскен.

«Оқиғаның салдарынан зардап шеккендер жоқ. Өрт сағат 20:58-де толықтай сөндірілді. Өртті сөндіруге бір техника мен бес адам жұмылдырылды. Оттың шығу себебі анықталып жатыр», - делінген ақпаратта.

Фото: lada.kz