Ақтауда ақау шыққан магистральдық құбыр 40 жылдан бері ауыстырылмаған

Құбыр жөндеу
Фото: Ақтау қаласы әкімдігі

Ақтауда бірнеше шағын ауданды жылумен қамтитын магистральдық жылу құбырында жөндеу жұмыстары аяқталды. Апаттық орында «Каспий жылу, су арнасы» МКК мамандары жөндеу жұмыстарын жүргізді, деп хабарлайды Kazinform.

Ақау шыққан магистарльдық құбыр 1979 жылы тартылған.

- Кеше магистральдық 800 диаметрлік құбырда ақау шығуына байланысты бірнеше шағын аудандарда шектеу енгізілді. Соған сәйкес, «Каспий жылу, су арнасының» қызметкерлері жұмылдырылып, ақауды реттеді. Сонымен қатар, облыс әкімінің төрағалығымен осында шұғыл штаб өткізіліп тиісінше тапсырмалар берілді. Аталған құбыр 1979 жылы салынды. Кеше ақау шығып, 9 метрдей құбыр ауыстырылды. Жаз мезгілінде магистральдық құбырларға опрессовка жүргізілді. Жалпы жаз мезгілінде 9 блоктық-модульдік қазандықтар орнатылды. Оған қосымша 90 гигокалорий жылу қосымша берілді. Сонымен қатар, қалада қысымды көтеретін 7 станция орнатылды. Қазіргі таңда техникалық зерттеу жүріп жатыр. Осы құбырды ауыстыруға келесі жылға жоспарладық. Сонымен қатар 19 жоба сараптаманың оң қорытындысын алып, мердігерлер анықталды. Төменгі шағынаудандардан бастап жұмыстар осы жылыту маусымы біткеннен кейін басталатын болады. Сондықтан құрметті Ақтау қаласының тұрғындары бұл мәселе тікелей облыс әкімінің және менің бақылауымда тұрғанын жеткізгім келеді, - деді қала әкімі.

Жалпы Ақтау қаласында 438 шақырым жылу желісінің 72% тозығы жеткен. 464 шақырым су желісі бар, оның 88% тозығы жеткен.

Соңғы жаңалықтар
telegram