Ақтауда ер адамды сабап, пышақтап, ауруханаға тастап кеткен күдікті ұсталды
АҚТАУ. ҚазАқпарат -Ақтауда ер адамды ұрып-соғып, пышақпен жаралап, 3 қаңтар күні Маңғыстау облыстық ауруханасының қабылдау бөліміне әкеп тастаған күдіктіні ізін суытпай ұстады.
Аталған факт бойынша полиция қылмыстық іс қозғады.
«ҚР ҚК 293-бабы, 3-бөлімі (Бұзақылық) бойынша қылмыстық іс қозғалды. Күдікті ұсталды. Сотқа дейінгі тергеу жұмыстары жүріп жатыр», - деп хабарлады Маңғыстау облыстық ІІД баспасөз хатшысы Жазира Әбіл.
