Ақтаудың «Ынтымақ» алаңындағы Мемлекеттік Ту не себепті алынды

АСТАНА. KAZINFORM — Абаттандыру жұмыстарына байланысты Мемлекеттік Ту уақытша алынды, деп хабарлайды қала әкімдігінің баспасөз қызметі.

— Ақтау қаласында санитарлық тазалық және абаттандыру жұмыстары жүргізілуде. Осыған байланысты 12 ш/а «Ынтымақ» алаңындағы тұғырға орнатылған мемлекеттік ту уақытша алынды. Жақын күндері мелекеттік ту қайта ілінеді, — делінген Ақтау қаласы әкімдігі таратқан ресми ақпаратта.

Бұған дейін хабарланғандай, Атырудың 4 тұрғыны өзге тілде жазылған жазуы бар мемлекеттік туды ұстап, фотоға түскен. Жергілікті полиция қызметкерлері мемлекеттік рәміздерді қорлау бабымен қылмыстық іс қозғады.

Осы жағдайдан кейін Мәдениет және ақпарат министрлігі Wildberries пен ozon Қазақстан Туын сатуда заң бұзғанын мәлімдеді.