Ақтауда оқушылар сыныптасының өкпесін қысып, талдырып тастаған

АҚТАУ. KAZINFORM – 7-сыныптың қыздары осылайша қауіпті ойын ойнап, оны бейнежазбаға түсірген. 

Ақтауда оқушылар сыныптасының өкпесін қысып, талдырып тастаған
Фото: видеодан алынған скрин

Осы оқиғаға қатысты Маңғыстау облыстық білім басқармасы түсініктеме берді. Айтуларынша, оқиға 18 сәуір күні Ақтау қаласындағы жалпы білім беретін мектептердің бірінде болған. Қыздар әжетханасында 7-сынып оқушысын өкпе тұсынан қысу арқылы талдыру фактісі тіркелген. 

– Бүгінгі таңда жасөспірімдер мен олардың ата-аналарымен профилактикалық-психологиялық жұмыстар жүргізіліп жатыр. Сонымен қатар аталған оқиғаға қатысты оқушылардың әрекеті Ақтау қаласы әкімі жанындағы кәмелет жасқа толмағандардың ісі бойынша арнайы комиссияда қаралады. Ақтау қалалық білім бөлімі басшысының тарапынан мектеп директорына тәртіптік шара қолданылды, - делінген хабарламада. 

Бұған дейін, Жаңаөзенде сыныптастары 11-сынып оқушысын аямай ұрып-соққаны туралы жазған болатынбыз. 

Сондай-ақ Маңғыстау облысы Бейнеу ауданында 17 жастағы оқушы кісі қолынан қаза тапқанын хабарлаған едік. 

Соңғы жаңалықтар