Ақтауда жол-көлік оқиғасында үш адам зардап шекті (ФОТО)

АСТАНА. ҚазАқпарат - Ақтауда жексенбі күні сағат 7:00-де «Ниссан» және «Тойота Камри» автомбильдері соқтығысты. Жол-көлік оқиғасының салдарынан кемінде үш адам зардап шекті, деп хабарлады ЛАДА.kz.

«Ниссан» соқтығысқаннан кейін жаяусоқпаққа ұшып кетті. «Тойота Камри» оның үстіне бетонды гүлзарға соғылды. Оқиға орyына келген ІІБ тергеушісі не болғанын айтып бере алмады. Машиналардың соқтығысқаннан кейінгі орналасуына қарап, тәжірибелі полицейлердің өзі кім қайдан келе жатқанын, кім ереже бұзғанын біле алмай дал болды», - делінген хабарламада.

Жүргізушілерден сұрастыру мүмкін болмады, олардың екеуін де, жолаушыларды да ауыр жарақаттармен «жедел жәрдем» ауруханасына алып кетті.