Ақтаулық «Каспий» командасына бас бапкер тағайындалды

None
Фото:тinstagram.com/caspiy_fc
АСТАНА. ҚазАқпарат - Ақтаулық «Каспий» командасына бас бапкер қызметіне Солтүстік Македония елінің маманы Игор Ангеловски тағайындалды, деп хабарлайды ҚазАқпарат тілшісі клубтың баспасөз қызметіне сілтеме жасап.

Игор Ангеловски Солтүстік Македония құрамасын 2020 жылғы Еуропа чемпионаты финалдық сатысына алып шықты.

Ол 1976 жылы 2 маусымда дүниеге келген. Футболшылық мансабында 1996-2009 жылда өз елінің, Словения мен Сербияның командаларында доп тепті.

2013 жылдан бері Солтүстік Македония клубтары мен ұлттық құрамасына жетекшілік жасады.

2022 жылы словениялық «Горица» командасының тізгінін ұстады.

Айта кетсек, биыл ақтаулық клуб қатарынан бес ойында жеңіліс тауып, содан кейін грузиялық маман Кахабер Цхададзе қызметінен кетті.

Ал алтыншы турда «Каспий» көкшетаулық «Оқжетпестен» басым түсіп, алғаш рет жеңіске жетті.


Соңғы жаңалықтар