Ақтаулық Валентин Байдаков сайлауға қазақтың ұлттық киімімен келді

АҚТАУ. ҚазАқпарат – Маңғыстау облысы Ақтау қаласының 76 жастағы тұрғыны Валентин Байдаков сайлау учаскесіне қазақтың ұлттық киімімен келді, деп хабарлайды ҚазАқпарат тілшісі.

«Ол 18-ші сайлау учаскесінде дауыс берді. Қала тұрғыны өз таңдауын жасауға қазақтың ұлттық киімі - шапанмен келді», - деп мәлім етті Өңірлік коммуникация орталығынан.

Айта кетейік, кезектен тыс президент сайлауында дауыс беру үшін Ақтауда 83 сайлау учаскесі жұмыс жасап тұр.

Жалпы Маңғыстау облысында барлығы 8 аумақтық сайлау комиссиясы және 243 учаскелік сайлау комиссиясы жұмыс істейді.

Сайлау комиссияларының құрамына 1765 адам тартылған. Өңірдегі сайлаушылар саны 411 103 адамды құрайды.

Өңірде барлығы 8 аумақтық сайлау комиссиясы және 243 учаскелік сайлау комиссиясы жұмыс істейді. Облыс орталығы – Ақтау қаласында 83 сайлау учаскесі орналасқан. Өңірдегі электорат саны – 411 103 адам. Тұрғылықты тіркеуі жоқ азаматтар үшін 5 дауыс беру учаскесі ашылды.