Ақтөбе облысында жол ашылды

АСТАНА. KAZINFORM — «ҚазАвтоЖол» мекемесі Ақтөбе облысындағы республикалық маңызы бар учаскелерде барлық көлік түріне жол ашылғанын хабарлады. 

— 2026 жылғы 2 сәуір сағат 06:00–де республикалық маңызы бар «Қостанай — Рудный — Денисовка — Комсомольское — Қарабұтақ» автожолының 5-83 шақырым аралығындағы учаскесінде (Қарабұтақ ауылы — Жүргенов ауылы) барлық көлік түрі үшін қозғалыс ашылады, — делінген хабарламада.

Тәулік бойы қосымша ақпарат алу үшін 1403 байланыс орталығына хабарласуға болады.

Айта кетейік, сәуір айында батыс өңірлерге оңтүстік циклон әсер етіп, тұрақсыз ауа райы қалыптасады.