Ақтөбе облысында ауа райының бұзылуына байланысты ескерту жасалды
АҚТӨБЕ. 10 ақпан. ҚазАқпарат /Самал Ендібаева/ - Ақтөбе облысында бүгін ауа райының бұзылуына байланысты ескерту жасалды. Өңірдегі ауа райы кешеден бұзыла бастаған болатын.
Төтенше жағдайлар жөніндегі департамент баспасөз қызметінің бас маманы Әсия Есболатованың айтуынша, 9 ақпан күні таңғы 9-дан 10 ақпан күнгі таңғы 7-ге дейін республикалық маңызы бар жолдар жабылған.
«Түнде апаттық жағдайда екі құтқару жұмыстары жүргізілді. Қобда ауданында 2 машина қауіпсіз жерге апарылып, 6 адам, соның ішінде бір баланың өмірі аман қалды. Хромтау трассасында 7 көлік қарда қалып, Қазавтожол қызметкерлері адамдарды құтқарды», - дейді ол.
Бүгін Қазгидрометтің болжауынша, өңір бойынша қар жауады, қарлы боран соғады, жолдарда көктайғақ болып, кейбір жерлерде тұман түседі. Ауаның температурасы күндіз -3 градустан +2 градусқа дейін, ал түнде 3-6 градус суық болады. Оңтүстік-шығыстан жел соғады, ал шығыстан соққан жел секундына 17-20 метр жылдамдықта, кейде секундына 27 градус жылдамдыққа жетеді.
10 ақпан күнгі таңғы сағат 10.00-ден ауа райының қолайсыздығына байланысты Қарабұтақ-Комсомол трассасы жабылды.
