Ақтөбе облысында бұрқасынға байланысты жолдар жабылды
АСТАНА. ҚазАқпарат - Ақтөбе облысында ауа райының қолайсыздығына байланысты жолдар жабылды, деп хабарлайды "Қазавтожол" РМК.
Бүгін, 29.03.17 күні Ақтөбе облысында ауа райының қолайсыздығына байланысты (қар, бұрқасын, жолдың көрінбеуі) "Самара-Шымкент" автожолының Ақтөбе мен Хромтау қаласы аралығындағы бөлігінде (753-835 км) жүк көліктеріне қозғалыс шектелді.
22:10-де "Самара-Шымкент" автожолының Белогорка кентінен Хромтауға дейінгі бөлігінде барлық көлік түрлеріне қозғалыс шектелді.
22:50-де "Ақтөбе-Орск" автожолының Пригородный кентінен РФ шекарасына дейінгі бөлігінде жүк көліктеріне қозғалыс шектелді.
Сондай-ақ, Астана уақытымен 23:40-та "Қандыағаш-Эмбі-Шалқар-Ырғыз" автожолының Қандыағаштан Шалқар қаласына дейінгі аралығында (0-257 км) барлық көлік түрлеріне қозғалыс шектелді.
