«Ақтөбе» түркістандық «Тұран» футбол командасын жеңді
АҚТӨБЕ. ҚазАқпарат - Бұл - «Ақтөбе» футбол клубының қоржынындағы кезекті жеңіс, деп хабарлайды ҚазАқпарат.
Бүгін Ақтөбе облысының әкімі Ералы Тоғжанов матчқа арнайы келіп, командаға қолдау білдірді.
Футболдан Қазақстан чемпионатының 24-ші туры аясында ақтөбеліктер өз алаңында түркістандық «Тұран» клубын қабылдады.
Ойын қазақтың белгілі бапкері Сұлтан Әбеновті бір минут үнсіздікпен еске алумен басталды.
Әсерлі ойынның қорытындысы бойынша «Ақтөбе» 3:2 есебімен сенімді жеңіске жетті.
Қазақстан Премьер Лигасының 24-турынан кейін «Ақтөбе» футбол клубы қазір ел біріншілігінде 48 ұпаймен көш бастап тұр.
Екінші орында 47 ұпаймен «Астана» ФК келеді.
