Ақтөбеде алаяқтыққа күдікті Молдавияның азаматы ұсталды
Кеше ішкі істер органына 3 әйел арызданды, олардың сөздеріне қарағанда белгісіз ер адам алдап-арбау арқылы «Нокиа Н-9» маркалы телефонын сатып жіберген, келтірілген шығын 75 мың теңгені құрады.
Ақтөбе қаласы ІІБ криминалды полиция қызметкерлері өткізген жедел-іздестіру шараларының барысында 38 жастағы Молдавия Республикасының азаматы ұсталды.
Қосымша тексеру амалдарының барысында анықталғандай, күдікті жәбірленушілерге 3 рет ақауы бар ұялы телефондарды сатып жіберген. Ұялы телефондар 1 сағаттан кем уақытқа шыдаймай, істен шыққан.
Қазіргі уақытта күдіктіге қатысты ҚР ҚК-нің 177 бабы (Алаяқтық) бойынша қылмыстық іс қозғалды, оған ешқайда кетпеу жөнінде қолхат берілді. Тексеру амалдары жүргізілуде, полиция қызметкерлері ол ақауы бар ұялы телефондарды қайдан алғанын анықтау үстінде.
