Ақтөбеде қорап ішінен жаңа туған нәрестенің денесі табылды
АҚТӨБЕ. ҚазАқпарат – Ақтөбеде қорап ішінен жаңа туған нәрестенің денесі табылды, деп хабарлайды ҚазАқпарат polisia.kz телеграм каналына сілтеме жасап.
19 желтоқсан күні сағат 22:05-те полицияға Ғ. Жұбанова көшесіндегі көпқабатты үйдің жанынан қағаз қорапқа салынған баланың денесі табылғаны туралы хабарланған.
Оқиға орнына жедел-тергеу тобы жіберіліп, жаңа туған ер баланың мәйітін анықтады.
ҚР ҚК-нің 100-бабы «Ананың жаңа туған баланы өлтіруі» бойынша сотқа дейінгі тергеу басталды. Сот-медициналық сараптама тағайындалды. Анасының жеке басы әзірге анықталмады.
