Ақтөбеде скутердегі зейнеткер бір әйелді қағып кетіп, қашып кеткен

АҚТӨБЕ. ҚазАқпарат - Ақтөбеде скутердегі зейнеткер бір әйелді қағып кетіп, оқиға орнынан қашып кетті, деп хабарлайды ҚазАқпарат.

ІІМ мәліметінше, 15 маусым күні Сәңкібай батыр даңғылында скутердегі ер адам жаяу жүргіншілер өткелінен өтіп бара жатқан әйелді қағып кетті. Жол-көлік оқиғасынан кейін скутердің жүргізушісі оқиға орнынан қашып кеткен.

«Полиция қызметкерлері іздестіру іс-шаралары барысында 73 жастағы зейнеткерді анықтап, полиция бөліміне жеткізді. Ер адамға қатысты ҚР ӘҚБтК 615-бабы 2-бөлігі бойынша әкімшілік хаттама толтырылды», - деп жазды ведомстводан.