Ақтөбеде жолаушылар тасымалдайтын басты ұйым өзгеруі мүмкін
АҚТӨБЕ. ҚазАқпарат - Қалалық әкімдіктің мәжілісінде Ақтөбе облысының әкімі Бердібек Сапарбаев қоғамдық көліктің жұмысын тағы да сынға алды, деп хабарлайды ҚазАқпарат.
«Қоғамдық көлік мәселесін тарифтерді 90 теңгеге көтеріп, оп-оңай шеше салуға болады. Алайда бұл тағы сол халыққа салмақ түсіреді. Бізде Ақтөбеде ел бойынша ең төменгі тариф. Соңғы 5 жылда автопарк (қоғамдық тасымалдаушы) ештеңе тындырған жоқ. Ақтөбе ПАЗиктер жүретін жалғыз орталық. 2015 жылы келісімге сәйкес, тасымалдаушы автобустарды жөндеуден өткізіп, оларды микрофондармен, GPS-пен жабдықтаймыз деп уәде етті. Алайда мойнына алған міндетті орындаған жоқ. Мен қала әкімінің алдына міндет қойдым. Оны орындамаса қош айтысамыз. Басқа басшы табамыз»,-деді Б.Сапарбаев.
Өңір басшысының сөзінше, енді Ақтөбеде жолаушыларды тасымалдау үшін 3 пайыз лизингпен отандық автобустар сатып алынады.
