Ақтүтек боран: «Астана-Петропавл» трассасында 15 автокөлік соқтығысты

Ақмола облысы аумағында «Астана-Петропавл» трассасында 15 автокөлік соқтығысты, деп хабарлайды Kazinform.

Облыстық ПД баспасөз қызметінің мәліметінше, жол-көлік оқиғасы бүгін, 14 қаңтарда сағат 11:57 шамасында «Астана-Петропавл» тас жолының 150 шақырымда, Жаңаталап ауылы маңында болды.

- Ауа-райының жайсыздығына байланысты Щучье қаласынан 100-ге жуық автокөлікті «Тұлпар 503» экипажы алып жүрді. Алайда, жүргізушілердің арақашықтықты сақтамауына байланысты 15-ке жуық көлік соқтығысты. Қаза тапқандар мен зардап шеккендер болған жоқ, - деді ведомстводан.

Айта кетсек, демалыс күндері тәртіп сақшылары 600 жуық автокөлікті алып жүрді.

Еске салайық, Ақмола облысында 65 тәжікстандық жолаушы құтқарылған болатын.