Алатау қаласында 89 жетім бала үй кезегінде тұр

ҚОНАЕВ. KAZINFORM – Алатауда бір мыңға жуық адам баспана кезегінде тұр.

– Қазір қалада 991 адам үйге кезекте тұр. Көпбалалы аналардан 343 адам, жетім балалардан — 89, әлеуметтік осал топтардан — 399, бюджеттік ұйым қызметкерлерінен 160 адам бар, – деді баспасөз мәслихаты барысында қала әкімі Әркен Өтенов.

Айтуынша, биыл тұрғын үймен қамтамасыз ету бағдарламасы аясында әлеуметтік осал топтар санатына жататын 40 отбасына баспана беріледі.

– Тұрғын үй-коммуналдық шаруашылығын дамыту саласында кешенді шаралар жүзеге асырылады. Инфрақұрылымды жаңғырту мен тиімділігін арттыру мақсатында бірнеше маңызды жоба осы жылы қолға алынбақ,– деп атап өтті қала басшысы.

Бұған дейін Қонаев қаласында 80 отбасына пәтер кілті табысталған болатын.