Алдағы үш күнде жаңбыр жауып, қар түсетін өңірлер аталды

Синоптиктердің болжамынша, алдағы күндері атмосфералық фронттардың өтуіне байланысты Қазақстанның басым бөлігінде жаңбыр және қар түрінде жауын-шашын күтіледі.

 — 20 қазанда күндіз Павлодар облысында, 21–22 қазанда елдің шығысында қатты жауын-шашын (жаңбыр, қар) болжанады. Тек оңтүстікте жауын-шашынсыз ауа райы күтіледі. Елдің солтүстігі мен шығысында көктайғақ болады. Оңтүстік және оңтүстік-шығыс өңірлерде түнде 1–3 градусқа дейін үсік жүреді. Республика бойынша жел күшейіп, түнгі және таңертеңгі сағаттарда тұман күтіледі, — делінген хабарламада.

Ауа температурасы:

• Елдің батысында: түнде -6…+2°С-қа дейін төмендейді, күндіз +15…+22°С-қа дейін аздап жоғарылайды;

• Маңғыстау облысында: түнде +2…+10°С-қа дейін төмендейді, күндіз +21…+26°С-тан +18…+23°С-қа дейін аздап құбылады;

• Ақтөбе облысында: түнде 0…+5°С-тан -1…-6°С-қа дейін аздап төмендейді, күндіз +12…+17°С-қа дейін жоғарылайды;

• Қостанай облысында және елдің солтүстігінде: түнде ауа температурасы -1…-6°С-тан 0…+5°С-қа дейін құбылады, күндіз +2…+10°С шамасында болады;

• Елдің орталығында: түнде ауа температурасы 0…+5°С-тан -1…-6°С-қа дейін құбылады, күндіз +3…+11°С-тан +7…+13°С-қа дейін өзгереді;

• Елдің шығысында: түнде 0…+5°С-қа дейін төмендейді, күндіз +2…+7°С-қа дейін аздап төмендейді, өңірдің шығысында -1°С болады;

• Республиканың оңтүстігінде: түнде ауа температурасы 0…+5°С-қа дейін аздап төмендейді, күндіз +18…+23°С-тан +12…+17°С-қа дейін құбылады;

• Елдің оңтүстік-шығысында: түнде ауа температурасы негізінен 0…+8°С болады, таулы аудандарда -3…-8°С-қа дейін төмендейді. Күндіз ауа температурасы +15…+20°С-тан +8…+16°С-қа дейін аздап құбылады.

Бұдан бұрын қарашада Қостанай облысында аяз бен жылымық алмасатынын жаздық.