Алдағы 5 жылда отандық шахмат қалай дамиды
Кешенді жоспарға сәйкес, биыл 3-тоқсаннан бастап мына жұмыстар іске асырылады:
- Жалпы білім беретін мектептердің оқу жоспарына шахмат бойынша факультатив (курс) енгізу;
- Шахмат бойынша мемлекеттік және орыс тілдерінде 1-4 сыныптарға арналған оқу-әдістемелік кешенді әзірлеу;
- Мектепке дейінгі ұйымдарда шахматтан балалар кубогын өткізу;
- Шахматты Ұлттық мектеп және студенттер лигасының бағдарламасына қосу;
- Жалпы білім беретін пәндер бойынша халықаралық олимпиадалардың және орындаушылардың халықаралық конкурстарының, спорттық жарыстардың тізбесіне 16-дан 18 жас санатындағы шахмат олимпиадасы мен шахматтан әлем чемпионатын қосу туралы мәселені пысықтау;
- ЖОО-да студенттік спорт лигасы шеңберінде шахматтан жарыстар өткізу, шахмат клубтарын ашу;
- Шахмат бойынша кадрларды қайта даярлау және біліктілігін арттыру (жыл сайын кемінде 50 жаттықтырушы);
- Орталық мемлекеттік органдар және БАҚ қызметкерлері арасында шахматтан турнир өткізу;
- Пенитенциарлық мекемелерде бас бостандығынан айыру түріндегі жазасын өтеп жатқан адамдар арасында онлайн-турнир өткізу;
- Ересектер арасындағы шахмат олимпиадасында 1-2 орын алған және шахматтан әлем чемпионатында 1-орын алған спортшыларға «ҚР Еңбек сіңірген спорт шебері» спорттық атағын берудің нормалары мен талаптарын әзірлеу;
- Үздік шахматшыларға стипендия бөлу;
- Астана қаласында шахмат сарайының құрылысына жер телімін бөлу;
- Көппәтерлі тұрғын үйлердің аулаларынан шахмат клубтарын және шахмат алаңдарын ашу;
- Әр өңірде шахматты дамыту жоспарын әзірлеу және бекіту.
Мәлім болғандай, аталған шаралар 2027 жылға дейін кезең-кезеңімен іске асады.
Қаулы қол қойылған күннен, яғни 14 шілдеден бастап қолданысқа енгізілді.