Алдағы аптадағы ауа райының болжамы - Қазгидромет
деп хабарлайды ҚазАқпарат «Қазгидромет» орталығына сілтеме жасап.
Елдің батысында шілденің 16-17-сінде қысқамерзімдік жауын болуы, жел тұруы ықтимал, қалған күндері аспан ашық болады. Түнгі температура 10-15, кей жерлерде 18 градус жылы болады, күндізгі ауа райы 30-35, аптаның бас кезінде кей жерлерде 38 градусты шамалайды, жаңбырлы күндері температура 25-30 градусты көрсетеді.
Солтүстік аймақтарда аптаның бірінші жартысы жауын-шашынды болады, кей жерлерде нөсер болады, ауа температурасы - түнде 7-12, күндіз 15-20, кей жерлерде 23 градус жылы болады. Аптаның екінші жартысында күн күркіреп, қысқамерзімдік жауын болуы және жел тұруы ықтимал. Температура: түнде 10-15, күндіз 23-28, кей жерлерде 31 градус жылы болады.
Орталық өңірлерде аптаның бірінші жартысында жауын болады деп күтілуде, ауа температурасы түнде 7-12, кей жерлерде 15 градусты шамаласа, күндіз 15-20, кей жерлерде 25 градус ыстықты көрсетеді. Аптаның екінші жартысында қысқамерзімдік жауын болады, жел тұрады, ауа температурасы біртіндеп көтеріледі: түнде 10-15, кей жерлерде 18 градусқа дейін, күндіз 25-30, кей жерлерде 35 градусқа дейін күн ысиды.
Шығыста жауын-шашын болады, күн күркірейді, апта бойы жел тұруы мүмкін, тек аптаның соңында ғана күн ашылады. Температура: түнде 7-12, кей жерлерде 15 градусты шамаласа, күндіз 18-23, кей жерлерде 28 градусты көрсетеді. Аптаның соңында күн ысып, ауа температурасы түнде 10-15, кей жерлерде 18 градусқа дейін, күндіз 25-30, кей жерлерде 35 градусқа дейін жетеді.
Оңтүстік өңірде аптаның басында аспан ашық болады, тек аптаның ортасына қарай қысқамерзімдік жауын-шашын болып, жел тұруы, қатты дауыл болуы ықтимал. Ауа температуасы: түнде 10-15 градустан 15-20 градусқа дейін, кей жерлерде 18 градустан 23 градусқа дейін көтерілсе, күндізгі ауа райы 28-33 градусты көрсетеді, аптаның соңына қарай күн 31 градусқа дейін ысиды.