Алдағы жылу маусымына дайындалу жұмыстары аясында Өскемен қаласының ЖЭС мамандары жөндеу науқанын аяқтауда

ӨСКЕМЕН. Қыркүйектің 1-і. ҚазАқпарат /Людмила Малько/ - Өскемен қаласының ЖЭС мамандары жөндеу науқанын белгіленген кесте бойынша, дәл уақытында, толық мөлшерде аяқтап отыр, сондықтан қала тұрғындары келе жатқан қыс мезгілінде сенімді түрде жылумен қамтамасыз етілетін болады, деп хабарлайды ЖЭС баспасөз қызметі.

Биылғы жылы «АЕS Өскемен ЖЭС» АҚ күрделі жөндеу жұмыстары мен жай жөндеу жұмыстары үшін 925 млн. теңге қаражат бөлген, деп нақтылады компанияның баспасөз қызметі. Алты қазан агрегаты мен үш құбыр агрегат стансысында жөндеу жұмыстары толығымен атқарылды. Сонымен қатар генераторларға да күрделі жөндеу жүргізілген.

Отын жеткізу кесте бойынша жүзеге асырылып келеді, оның екі айға жететін қоры дайын тұр.