Александр Бублик Майами турнирінде тартысты матчта жеңіліп қалды

ОРАЛ. KAZINFORM — Қазақстанның бірінші, әлемнің 80-ракеткасы Александр Бублик Майами (АҚШ) мастерс турнирінің үшінші айналымына шыға алмады.

Қазақстандық теннисші екінші айналымда әлемнің 13-ракеткасы, америкалық Томми Полдан өтуге тырысып көрді.

Бублик матчты сәтті бастады — 7:5. Алайда осы қарқынын жалғастыра алмады — 5:7, 4:6.
Екі сағат 15 минутқа созылған бәсеке барысында Александр Бублик 19 эйс жасап, 4 брейк-пойнттың біреуін пайдаланды. Пол 17 эйс, 2 брейкпен (12 брейк-пойнт) ерекшеленді.

Томми Пол төртінші айналымға шығу үшін әлемнің 24-ракеткасы, аргентиналық Франсиско Серундоломен таласады.

Осылайша, Майами жарысында Қазақстаннан жұптық сында өнер көрсететін Анна Данилина қалды. 

Бұған дейін әйелдер арасында жекелей сында Елена Рыбакина мен Юлия Путинцева да америкалық теннисшілерден өте алмады.

Еске сала кетейік, бұдан бұрын Юлия Путинцеваның Майами жарысында корт иесіне жол бергенін жазған болатынбыз.