Александр Бублик Роттердам турнирінің финалынан тыс қалды

АСТАНА. KAZINFORM – Қазақстанның бірінші, әлемнің 10-ракеткасы Александр Бублик Роттердам (Нидерланд) ATP 500 турнирінің финалына шыға алмады.

Қазақстандық теннисші жартылай финалда әлемнің 6-ракеткасы, канадалық Феликс Оже-Альяссимге тап келді.

Канадалық спортшы 6:1, 6:2 есебімен жеңіске жетті.

Небәрі 54 минутқа созылған бәсекеде Бублик 4 эйспен көзге түсті. Оже-Альяссим 7 эйспен бірге 6 брейк-пойнттың төртеуін пайдаланды.

Феликс Оже-Альяссим финалда әлемнің 8-ракеткасы, аустралиялық Алекс де Минормен чемпиондық атақты сарапқа салады.

Осылайша, Александр Бублик спорттық жолында алғаш рет Роттердам жарысының жартылай финалына дейін жетті.

Еске сала кетейік, бұдан бұрын Александр Бубликтің Роттердам турнирінде финалға шығу үшін таласатынын жазған едік.

Сондай-ақ Анна Данилина Доха турнирінің чемпионы атанды.