Александр Герлиц парабиатлоннан әлем кубогында қола жүлдегер болды

АСТАНА. ҚазАқпарат - Александр Герлиц парабиатлоннан Әлем кубогында қола жүлдеге ие болды, деп хабарлайды ҚазАқпарат.
None

Бүгін Әлем кубогының бірінші кезеңінде қазақстандық спортшы Александр Герлиц парабиатлоннан 12,5 шақырым қашықтықты 43 минут 59 секундта бағындырып, қола жүлдеге ие болды.

Жарыста канадалық спортшы Арендз Марк осы қашықтықты 39 минут 20 секундта жүріп өтіп, бірінші орынға ие болды.

Ал екінші орынға 41.22 нәтижесімен украиналық спортшы Грегорий Вовчунский жайғасты.

Айта кетсек, парашаңғы мен парабиатлоннан Әлем кубогы үш кезеңде өтеді.

Алғашқы кезең Финляндияның Вуокатти қаласында 7-19 желтоқсан аралығында өтіп жатыр.

Екінші кезең АҚШ-та, үшінші кезең Жапонияда ұйымдастырылады деп жоспарланған.

Әлем кубогы кезеңдерінің нәтижесі бойынша үздік спортшылар 2026 жылы өтетін қысқы Паралимпиада ойындарына жолдама алады.


Соңғы жаңалықтар