Әлем чемпионаты-2026: Қазақстан құрамасы Лихтенштейнге қарсы құрамын жариялады

АСТАНА. KAZINFORM - Футболдан Қазақстан құрамасы 2026 жылғы әлем чемпионаты іріктеу кезеңіндегі Лихтенштейнге қарсы құрамын жариялады.

Кездесу наурыздың 25-інен 26-ына қараған түні сағат 00:45-те басталып, «Qazsport» телеарнасынан тікелей эфирде көрсетіледі.

Бас бапкердің міндетін атқарушы Али Алиев қақпада Мұхаммеджан Сейсен сенім білдірсе, қорғанысқа Ян Вороговский, Марат Быстров, Нұралы Әліп, Александр Марочкин, Сұлтанбек Астановты шығарды. Ал жартылай қорғаныста Георгий Жуков, Рамазан Оразов, Максим Самородов, Ислам Чесноков ойнаса, шабуыл шебінде Дастан Сәтпаев ойнайды.

Қосалқы құрамда Темірлан Анарбеков пен Александр Заруцкий бар. Сондай-ақ Еркін Тапалов, Әділбек Жұмаханов, Ұлар Жақсыбаев, Наурызбек Жагоров, Асхат Тағыберген, Серікжан Мужиков, Ғалымжан Кенжебек, Эльхан Астанов, Абат Айымбетов пен Айбар Жақсылықов қосалқы құрамға енгізілген.

Ал Лихтенштейн құрамасының негізгі құрамы ойын басталар уақытта белгілі болады.