Әлем чемпионаты: Өзбекстан футзал құрамасы плей-офф сатысына шыға алмады

АСТАНА. KAZINFORM — Футзалдан әлем чемпионатының үшінші турында Өзбекстан құрамасы Коста-Рикадан жеңіліп, плей-офф сатысынан тыс қалды.

А тобында сынға түскен Өзбекстан мен Коста-Рика құрамалары алғашқы екі турда небәрі бір ұпай жинаған еді.

Сондықтан кемінде үшінші орынмен плей-офф сатысына шығу үшін екеуінің бірі жеңіске жеткен жағдайда жарысты жалғастыруға мүмкіндік алатын

Ойын барысында бірінші кезеңнен кейін өзбекстандық футзалшылар қарсыласына 1:2 есебімен жеңіліп жатты. 

Екінші кезеңде намысқа тырысқан қатарынан екі гол соғып кетті. Дегенмен одан кейін өз қақпасына тағы үш гол жіберіп алды. 

Осылайша Өзбекстан құрамасы қарсыласына 3:5 есебімен жеңіліп, жарыс жолынан шығып қалды. 

Ал Коста-Рика 4 ұпаймен үшінші орынға тұрақтап, әзірге плей-офф сатысына шығу мүмкіндігін сақтап отыр. 

Сондай-ақ аталған топта Нидерланд құрамасы Парагвайды 5:2 есебімен тізе бүктіріп, өз тобында екінші орын алды. 

Ал В тобында бес дүркін әлем чемпионы атанған Бразилия ұпайдан шашау шығарған жоқ. Олар соңғы турда Таиландты 9:1 есебімен тізе бүктірді.

Осылайша үш ойында олар қарсыластар қақпасына 27 гол соғып, бас жүлдеден үмітті екенін тағы бір мәрте дәлелдеді.

Бұл топтағы Хорватия құрамасы Кубаны 7:0 есебімен жеңіп, алғашқы жеңісіне қол жеткізді.

Еске салсақ, әлем чемпионатында Қазақстан құрамасы алғашқы екі турда Испаниямен 1:1 есебімен тең ойнап, Ливиядан 3:1 есебімен басым түсті. 

Енді олар 21 қыркүйекте Жаңа Зеландиямен шеберлік байқасады.