Әлем чемпионаты басталмай жатып, Қазақстан жаңа рекорд орнатты

АСТАНА. 14 қазан. ҚазАқпарат - Әлем чемпионаты басталмай жатып-ақ, жаңа рекорд­тың авторы атандық. Нақты айтсақ, бокс­шы­ларды тіркеу мерзімі аяқталған сәтте-ақ дүбірлі додаға қатысушы елдердің саны жөнінен бұрынғы рекорд жаңартылды.

«Алаш айнасы» басылымының хабарлауынша, осыдан екі жыл бұрын Бакуде өткен дүниежүзілік біріншілікте жүлделі орын­дарға 113 елдің 570 боксшысы таласқанда, «не деген көп» деп таңғалғандар енді жаңа цифрді көріп тағы да таңдайларын қағуда. Сонымен, Балуан Шолақ атын­дағы Спорт кешенінде керілген шаршы алаңда 116 елдің 576 боксшысы өнер көрсетеді. Солардың ішінде Еуропадан 39 ел тіркелді. Азиядан - 26, Оңтүс­тік және Солтүстік Америкадан - 25, Африкадан - 22 және Мұхит аралдарынан 4 ел Алматыға ат басын бұрады.

Естеріңізге сала кетейік, Алматыда өтетін әлем чемпионаты АІВА-ның жаңа ережесі бойынша өтеді. Яғни боксшылар шаршы алаңда шлемсіз жұдырық­тасып, ұпай санау жүйесі де басқаша болады.

«Жаңа рекордтың орнағанына өте қуаныштымын. Бұл бокстың бүкіл әлемде қарқынды дамып жатқанын көрсетеді», - деп ағынан жарылды осы тұрғыдағы өз ойымен бөліскен АІВА президенті доктор Чинг Куо Ву.