Әлемдегі ең үлкен лайнер алғашқы круизіне шықты

Әлемдегі ең үлкен круиз кемесі Icon of the Seas Флоридадағы Майами портынан Кариб аралдарына алғашқы 7 күндік саяхатына шықты. Бұл туралы ВВС жазды.

Кеме 365 метр ұзындығымен рекорд жаңартты. Салыстыру үшін айтар болсақ, аты аңызға айналған Титаник бұл кемеден 100 метрге қысқа (269 м), ал АҚШ Әскери-теңіз күштерінің ең ірі ұшақ тасымалдағышы Gerald R.Ford ұзындығы - 333 метр. 

Кеме 7 600 жолаушыны қабылдай алады. Онда 40-тан астам мейрамхана, кафе мен барлары бар 20 палуба қарастырылған. Сондай-ақ тропикалық өсімдіктері бар шағын саябақ, театр, караоке, теннис және волейбол алаңдары, балаларға арналған аттракциондар мен аквапарк бар.

Кеме Багам аралдарында тіркелген және Финляндияда 2 миллиард долларға жасалған.