Әлемдегі ең жылдам жүретін адам тәріздес робот жасалды

АСТАНА. Тамыздың 19-ы. ҚазАқпарат - Hitachi жапондық компаниясы әлемдегі ең алғашқы ең жүрдек адам тәріздес гуманоид - Emiew деп аталатын роботын халыққа көзайым етті. Қазіргі күні олардың бойының ұзындығы 1,3 метр болатын Emiew - бұл "Дос" (Pal) және "Жолдас" (Chum) деген екі тәжірибелік үлгісі бар.

Аяқтарының орнына дөңгелек орнатылған олар сағатына 6 шақырымға дейін жылдамдықты үдете алады, ал осыған дейінгі ASIMO гуманоиды сағатына 3 шақырымнан аса алмайтын. «Біз адамдармен бірге тіршілік ете алып, олардың пайдасына жарай алатын роботты жасауды алдымызға мақсат етіп қойдық», - дейді Hitachi өкілі Тосихико Хориучи (Toshihiko Horiuchi). - бірақ, егер роботтар адамдардан да баяу жүретін болса, ол олардың талаптарына жауап бере алмайтын еді».

«Болашақта мен адамдар мен көліктерге соқтығыспай, дүкенге бара алатындай жағдайға жеткім келеді», - дейді өзінің сөздігінде 100 сөз қоры бар «Жолдас» таңданысын жасыра алмаған тілшілерге. Hitachi өкілдерінің айтуынша, бұл машиналарды дұрыстап жасауға қосымша 5-6 жыл қажет.