Әлемдік және дәстүрлі діндер көшбасшылары съезінің Ізгі ниет елшілері институты құрылды
АСТАНА. KAZINFORM – Елордада Әлемдік және дәстүрлі діндер көшбасшылары съезінің Ізгі ниет елшілері институты құрылды.
«Біз Ізгі ниет елшілері туралы ереже актісін қабылдадық. Бұл құжатта бірқатар мәселе қамтылған. Атап айтсақ, Ізгі ниет елшісін тағайындау процедурасының құқықтық базасын жасау мәселесі, олардың міндеттері мен құқықтары бар. Бұл құжатты Әлемдік және дәстүрлі діндер көшбасшылары конгресі мақұлдайды деп үміттенеміз», - деді Әлемдік және дәстүрлі діндер көшбасшылары съезі хатшылығы басшысының орынбасары – Сыртқы істер министрінің бірінші орынбасары Ақан Рахметуллин.
Ал Сенат төрағасы Мәулен Әшімбаев аталмыш институт рухани дипломатияның дамуына ықпал ететінін айтты.
«Бүгін біз Съездің ізгі ниет елшілері институтын құруды жоспарлап отырмыз. Бұл институт рухани дипломатияның маңызды элементі болуға тиіс. Біз беделді діни, саяси және қоғам қайраткерлерін съездің мақсаттары мен идеяларын халықаралық деңгейде ілгерілетуге өз үлестерін қосуға шақырамыз», - деді спикер.
