Алқаптағы егіннің 40 пайызы жиналды – АШМ

Елімізде егін ору науқаны былтырғыдан қарағанда 32 пайыз баяу жүріп жатыр, деп хабарлайды ҚазАқпарат. 

Бұл туралы Ауыл шаруашылығы министрі Айдарбек Сапаров Үкімет отырысында млім етті.

«Биыл дәнді және дәнді-бұршақты дақылдар жиналатын алаң 17,3 млн гектар алқапта жатыр. Бүгінгі таңда республика бойынша барлығы 6,9 млн гектар немесе 40% дәнді және дәнді-бұршақты дақылдар жиналды. 6,6 млн тонна астық бастырылып, орташа өнімділік гектарынан 9,5 центнерді құрады», - деді министр.

Айдарбек сапаровтың айтуынша,былты осы уақытта осыған ұқсас кезеңінде 11,6 млн гектар алқап немесе 72,8% жиналған.

«Бұл ретте егіс науқаны оңтайлы аграрлық мерзімдерде жүргізілді. Жаздың ауа райы жағдайлары елдің көп бөлігінде қалыпты жағдайда болды. Егін жинау науқанына дайындық кезеңінде техниканың дайындығы, жеңілдетілген жанар-жағармай 100% қамтамасыз етілді», - деді ведомство басшысы.