Алматау турбазасына кіретін жол жабылды

АЛМАТЫ.  KAZINFORM – Бүгін Алматыда ауа райының бұзылуына байланысты сағат 20:30–да  «Алматау турбазасына кіреберіс» автожолы жабылды. Бұл туралы ҚазАвтоЖол мәлім етті.

— Алматы облысында көлік қозғалысына шектеу қою туралы 2025 жылғы 9 наурыз сағат 20:30–да ауа райының бұзылуына байланысты «Алматау турбазасына кіреберіс» автожолының 0-15 шақырым аралығындағы учаскеcінде (Тұздыбастау ауылы — Бесқайнар ауылы) көліктің барлық түрінің қозғалысына шектеу қойылады, — делінген хабарламада.

Жолды 2025 жылғы 10 наурыз сағат 12:00–де ашу жоспарланған.

Сондай-ақ, Абай облысында «Өскемен-Семей» автожолының 103-198 шақырым аралығы (ШҚО шекарасы – Семей қаласы), Шығыс Қазақстан облысы «Өскемен-Семей» автожолының 10-103 шақырым аралығы (Герасимовка ауылы – Абай облысының шекарасы) жабылды. 

Бұған дейін хабарланғандай, Алматыдағы ауа райына байланысты рейстер кешіктіріліп жатыр.