Алматы әкімдігі 30 мердігер компанияны сотқа берді

АЛМАТЫ. KAZINFORM –Алматыда мемлекеттік тапсырыс алған әрбір үшінші құрылыс салушы жауапсыз жұмыс істейді. Бұл туралы Ерболат Досаев Алатау ауданының тұрғындарымен кездесуінде айтты.

Алатау ауданы тұрғындарының бірі салынған үйлерде көптеген ақау барын айтып шағымданды.

«Менің ойымша, мемлекеттік тапсырысты алған әрбір үшінші құрылыс салушы адал жұмыс істемейді. Сапа туралы айтатын болсақ, құрылыс салушыларға қарсы 30-ға жуық арыз сотта жатыр. Ең қиыны – ақшаны қайтару, өйткені компаниялар жабылып қалған», - деді Алматы әкімі Ерболат Досаев.