Алматы-Бішкек тас жолында жаяу жүргіншіні көлік қағып кетті
ҚОНАЕВ. KAZINFORM - Алматы- Бішкек тас жолында ер адамды көлік қағып, мерт қылды.
Алматы облыстық Полиция департаменті баспасөз қызметінің мәліметінше, жол апаты 17 желтоқсанға қараған түні Алматы-Бішкек тас жолының 23 шақырымында болды.
- Hyundai Elantra көлігінің жүргізушісі жолды белгіленбеген жерден кесіп өткен жаяу жүргіншіні қағып кетті. Жол апаты салдарынан ер адам алған жарақаттарынан оқиға орнында қайтыс болды, - деп хабарлады ведомстводан.
Аталған факті бойынша қылмыстық іс тіркелді.
- Тергеу жүргізіліп жатыр. Өңір полициясы жаяу жүргіншілерді қырағылық танытуға, жолды тек белгіленген орындарда кесіп өтуге және жол қауіпсіздігі ережелерінің талаптарын мүлтіксіз сақтауға шақырады, - деп атап өтті облыстық ПД баспасөз қызметі.
Осыған дейін Алматы облысында 56 жастағы әйелдің мәйіті табылғаны туралы жазған едік.
