Алматы облысында 9 жасар қызды ұрлап, зорлап кеткен
Алматы облысы, Қарасай ауданы, Сауыншы аулында оқушы қыз зорланды. Полиция тергеу амалдарын бастады, деп хабарлайды Kazinform.
Бұқаралық ақпарат құралдарында 12 қараша күні үйінде ұйықтап жатқан 9 жасар қызды белгісіз ер адам ұрлап кетіп, зорлағаны туралы ақпарат тарады.
Осы оқиғаға қатысты Алматы облыстық полиция департаменті түсінік берді.
«Қарасай ауданы, Сауыншы ауылы тұрғынының арызы бойынша, ҚР ҚК 121-бабының 4-бөлігіне сәйкес іс тіркелді. Қазір қылмыстың барлық мән-жайы тергеуде, оның жан-жақтылығын, толықтығын және объективтілігін қамтамасыз ету мақсатында сараптама, тексерулер тағайындаумен тергеу жүріп жатыр», - дейді Алматы облыстық Полиция департаментінің баспасөз қызметінің басшысы Ернар Сайділдин.
Бұған дейін Қонаев қаласында бұрынғы екі полиция қызметкері кәмелетке толмаған қызды зорлады деген күдікке ілінген болатын.
